Department of OFW kasado na — Duterte

IPINANGAKO ni Pa­ngulong Rodrigo Duterte ang paglikha ng hiwalay na executive department para sa mga overseas Filipino worker sa Disyembre.

Ayon kay P-Duterte, mamadaliin niya ang pagta­tatag nito kung saan ang lahat ng gagawing recruitment ng mga Filipino migrant worker ay nasa ilalim na ng super­bisyon ng gobyerno.

“Apurahin ko ‘yang Department of OFW,” ani P-Duterte sa kanyang ta­lumpati sa Araw ng Pasa­salamat sa OFW sa Camp Aguinaldo, Quezon City, kamakalawa.”

“Bawal na ‘yang re­cruit­ment diyan sa labas that kind of mechanism of recruiting Filipino workers abroad has been abused and abused and abused. Mga kababayan ko puro biktima, puro kawawa,” ayon pa sa pangulo.

Tiniyak din ni P-Duterte na sa ikalawang linggo ng susunod na buwan ay may­roon nang framework para sa bagong ahensiya.

Matatandaang, si Sena­tor Christopher ‘Bong’ Go ang nagsumite ng panukala para sa pagbuo ng bagong de­par­tamento at inaasahang se­sertipikahan ito ng pangulo bilang urgent bill.

Nakapaloob sa kanyang Senate Bill 202 o Depart­­ment of Overseas Filipinos Act of 2019 na magsisilbing um­brella agency ang De­part­ment of Overseas Filipinos na tututok sa lahat ng isyu at concerns ng mga OFW at ka­nilang pamilya sa Pilipinas.

Samantala, nakatakdang magpulong sa pangunguna ng Department of Labor and Employment (DOLE), Overseas Workers Welfare Adminisration (OW­WA) at Philippine Over­seas Em­ployment Administra­tion (POEA) para pag-usa­pan at paghandaan ang kau­tusan ni P-Duterte.