Biyaheng five minutes mula Cubao hanggang Makati City, joke lang!
NAGHAHANAP na rin ng tubig ang India sa buwan.
Akala ko sa Angat Dam.
He-he-he!
◘◘◘
HINIHINTAY ang “biyaheng five minutes” mula Cubao hanggang Makati City.
Hindi na kayo nasanay sa joke!
◘◘◘
NILILINIS ni Mayor Isko ang Maynila.
Puwede na siyang maging presidente ng TODA!
◘◘◘
PUWEDENG gamitin ni Mayor Isko ang performance sa Maynila tulad sa diskarte nina P-Digong at ex-VP-Binay.
Isang epektibong formula ini!
◘◘◘
SINASABING muntik nang maging pangulo ng Pilipinas si dating Manila Mayor Arsenio Lacson dahil sa performance sa Maynila.
Pero, nadisgrasya siya sa “kandungan” ng popular na aktres!
◘◘◘
HIGIT daw na popular si Lacson kaysa kay ex-P-Ferdinand Marcos.
‘Yun nga lang, mas buwenas at matalino si Makoy!
◘◘◘
MARAMI pang dapat gawin sa Maynila si Mayor Isko.
Napakarumi ng buong Maynila at ubod nang baho.
Pasyalan niya ang lahat ng ilalim ng LRT stations, masusuka siya!
◘◘◘
KAPAG nagawa ni Mayor Isko na kasinlinis ng Singapore ang Maynila, maaari talaga siyang maupo sa Malacañang.
May punto si Sen. Ralph Recto, hindi kailangang baguhin ang Konstitusyon sa mga radikal na pag-aayos ng buong bansa!
◘◘◘
SINO ang gagawa ng Saligang-Batas batay sa Con-Ass?
Ang mga kongresistang nagbebenta ng boto at nagpapadikta sa Ehekutibo?
Kung nadidiktahan ng iisang tao ang Kongreso, nilalabag agad nila ang Konstitusyon na kanilang iimbentuhin.
Kung nagbebenta ng boto ang mga mambabatas, anong klase ng Konstitusyon ang kanilang gagawin?
Isang simpleng “pandepot”, papel na pandakot ng etsas!
Comments