SC, hindi raw diniktahan ni P-Digong para absuweltuhin si ex-P-GMA? Hmmm...

PABLO L. HERNANDEZ III / PRANGKAHAN

ITINATAG ANG “ANG PROBINSIYA­NO PARTYLIST” PARA MANUNTOK NG PROBINSIYA­NO? —Sinuntok daw nang walang dahilan ni Ang Probinsiyano Par­tylist Rep. Alfred delos Santos si Christian Kent Alejo, waiter ng Biggs Diner foodchain sa Legazpi City, Albay.

Aba, itinatag yata ni Cong. Delos Santos ang “Ang Probinsiyano Par­tylist” para manuntok ng probinsiyanong waiter, buwisit!

◘◘◘

SC, BOKYA NA SA PAMBUBUKING NI GMA, HUMIHIRIT PA—Nag-react si Supreme Court (SC) Spokes­man Atty. Brian Hosaka sa pagpapasa­lamat ni dating Spea­ker ex-Pres. Gloria Maca­pagal-Arroyo kay P-Duterte dahil ito raw ang naging susi kaya siya inabsuwelto ng SC sa kasong plunder.

Sabi ni Atty. Hosaka, hindi raw diniktahan ni P-Duterte ang SC para iabsuwelto si GMA.

◘◘◘

SEC. TUGADE, UMEPAL SA KASI­KATAN NI MAYOR ISKO—Pinuntahan ni DOTr Sec. Arthur Tuga­de si Mayor Isko More­no. Niyakap, nag-usap sandali at pagka­raan ay nagpa-presscon at sina­bi sa publiko na binu­lungan daw niya ang alkalde na “huwag bibi­taw” sa mga gina­gawa nitong reporma tulad ng pagpapaalis sa mga illegal vendor sa mga kalsada sa Maynila.

Ganu’n lang? Aba, tila may planong ku­man­didatong senador si Sec. Tugade sa 2022 kasi bigla siyang umepal sa kasikatan ni Mayor Isko, boom!

◘◘◘

NAKASAMA PA YATA ANG DOBLA­DONG SUWELDO NG MGA PULIS KASI ‘YUNG IBANG PARAK, NAGSIKU­HA NG KABIT—May mga misis ng pulis ang nagrereklamo kasi dob­lado na raw ang sahod ng kanilang mister, pero tulad ng dati ay kapos pa rin ang iniintregang suweldo sa kanila at kaya raw pala kulang ay dahil nagsipagkuha raw ng other woman at dito ibinibigay ang kalahati ng kanilang monthly salary.

Hay naku, nakasama pa yata ang pagdoblado ng Duterte gov’t. sa suweldo ng mga pulis kasi imbes na gumanda ang buhay ng kanilang pamilya ay gumulo pa kasi nagsikuha ng kabit, mga buwisit!