Dinala sa sementeryo, pinapanood ng porn | SPECIAL CHILD NI-RAPE NG BADING

ARESTADO ang isang bading na mananahi matapos ireklamo ng panghahalay sa 11-anyos na Grade 1 pupil ng SPED (Special Education) sa Valenzuela City.

Naglalakad ang biktimang itinago sa pangalang ‘Popoy’ sa harapan ng isang supermarket sa Bgy. Karuhatan, alas-4:00 ng hapon nang lapitan ng suspek na si Yuri Padilla, 32, saka niyaya sa likuran ng Tierra Santa Cemetery sa NLEX Service Road, Bgy. Maysan.

Pagdating sa lugar, puwersahan umanong isinagawa ng bading ang panghahalay sa bata saka pilit na pinanonood sa biktima ang pornographic film sa kanyang cellphone.

Matapos nito, inabutan nito ng P100 ang biktima para hindi magsumbong at nang makakuha ng tiyempo, tumakas ang bata subalit, hinabol siya ng suspek saka sinapak sa mukha bago mabilis na umalis.

Nang makauwi, nagsumbong ang bata sa kanyang ina kaya humingi ng tulong sa PCP-4 ang mag-ina na nagresulta sa pagkakadakip sa suspek at nakumpiska sa kanya ang cellphone na naglalaman ng larawan nila ng biktima pati na ang palitan nila ng mensahe.

Kasong statutory rape ang isasampa ng pulisya laban sa suspek sa Valenzuela City Prosecutor’s Office.