Wanted sa Japan, huli sa NAIA

ISANG Japanese-Ger­man-Israeli fugitive na wan­ted sa Japan dahil sa pagla­bag sa Copy­right Law ang ina­resto sa Ninoy Aquino In­ter­national Airport (NAIA) Ter­minal 3, ayon sa Bureau of Immigration (BI), kaha­pon.

Kinilala ang fugitive na si Romi Hoshino alyas Za­kay Romi, 28, na nadak­ma noong Linggo ng bureau’s Fugitive Search Unit ha­bang nasa loob ito ng gusali ng paliparan.

Ayon kay BI Intelligence Officer Bobby Raquepo, si Hoshino ay napabalitang manager ng “Manga-Mura”, isang illegal viewing web­site ng Japanese cartoons, kilala bilang Manga, na nagsimu­lang mag-operate mula noong Ja­nuary 2016 hang­gang April 2018.

Nabatid sa bureau na tinatayang nasa 320 billion yen (2.9 billion USD) ang na­wala sa Association of Copyrights of Japan dahil sa Manga-Mura na ipina­palagay na pinakamalalang paglabag sa kasaysayan ng Copyright Law ng Japan.

Si Hoshino ay inaresto sa bisa ng mission order na inisyu ni BI Commissioner Jaime Morente kasunod sa kahilingan ng Embassy of Japan sa Maynila matapos itong humingi ng tulong sa BI para mahanap at maares­to ang Japanese.

Ayon pa kay Morente, ang pananatili ni Hoshino sa bansa ay banta sa seguridad.