Helper, tumalon mula 11th flr. ng building, dedbol

NATUSTA ang mukha bago tuluyang bumulusok ang 41-anyos na helper ma­tapos lumundag mula sa ika-11 pa­la­pag ng gusali, ka­hapon ng madaling-araw sa Binondo, Manila.

Ayon kay PCapt. Henry Navarro, bago tumalon ang biktimang si Danilo Lachida, nagwala ito saka nagkulong sa kuwarto.

Nauna rito, nakipag-inu­man muna si Lachida sa kan­yang kasamahang helper, barangay tanod at isang senior citizen sa lugar at nang malasing ay nagwala at pinagtatapon ang ilang gamit sa kusina.

Alas-9:00 ng gabi, pina­labas umano ang mga kai­nu­man bago nagkulong sa kuwarto. Bandang alas-2:00 ng ma­daling-araw nang maka­rinig ang mga residente ng malakas na pagsabog na nagmula sa transformer ng poste.

Kasunod nito, nakitang nakahandusay ang sunog at duguang mukha ng biktima. Isinugod pa ito sa Justice Jose Abad Santos General Hospital (JJASGH) pero, hindi na umabot ng buhay.