Shoutout sa mga bagong miyembro! Modus-operandi ng mga balasubas na MTPB enforcer, ‘wag nang ulitin!

JUN R. GUILLERMO / MODUS OPERANDI PINOY ISTAYL

“NO TO KOTONG”. Ito ang nakaimprenta sa uniporme ng bagong mga miyembro ng Manila Traffic and Parking Bu­reau (MTPB) mula nang umupo sa puwesto si Ma­nila Mayor Francisco “Isko Moreno” Doma­goso.

Bilang ama ng lung­sod, nananawagan ang inyong lingkod na sana, huwag tularan ng mga bagong enforcer ni mayor ang raket ng dating masi­sibang traffic enforcers sa Manila City Hall malapit sa Lagusnilad Underpass, ang hindi pagmamantina ng daloy ng trapiko kundi ang pag-aabang ng mga magkakamaling motorista sa lugar.

Ang ginagawang mo­dus ng mga hinayupak na traffic enforcer noon ay ang magtatago sa mga mala­lagong halaman o puno saka lilitaw kapag may motoristang nagka­mali ay saka nila paparahin at titiketan o kokotongan, pwe!

Noon, ang raket pa ng mga balasubas na traffic enforcer ay nagkukum­pul-kumpol sila sa malililim na lugar kung saan mas prayoridad nila ang mag­kuwentuhan imbes na pag­sasaayos ng daloy ng trapiko ang ginagawa.

Sana, bigyan ni Ma­yor Isko ng ultimatum ang kanyang mga traffic en­forcer ngayon na gawin nila ang mga nakasulat sa kani­lang uniporme na “No to Kotong” para matuwa ang Manileño na may gobyerno na sa Lungsod ng Maynila.

Sana, hindi maging carbon copy o ningas-ku­gon lamang ang mga ipi­na­tutupad na batas ni Mayor Isko na maging ka­kaiba ang pamumuno nito na matagal nang ina­asam-asam ng Manileño.

Babantayan natin kung kayang panindigan ng mga bagong miyem­bro ng MTPB ang mga katagang “No to Ko­tong” para bumilib, mag­tiwala at mapa-wow ang publiko sa pamumu­no ni Mayor Isko.

Ikaw kaibigan, anong sey mo?

Laging tatandaan, walang maloloko kung walang magpapaloko!

Ligtas ang may alam!

Kaya ikaw, ako, tayo… mag-ingat!