Ate na naiinis sa mga kapatid na tamad

Dear Roma,

Magandang araw! May mga kasunduan o patakaran sa bahay namin kung saan toka-toka kami sa mga gawaing-bahay, pero madalas, ‘yung naka­babata kong kapatid na na­katoka sa umaga, eh, hindi kumikilos kaya ako na na­katoka sa hapon ang gu­magawa ng mga gawaing hindi niya ginawa. Naiinis na ako! Ano ang dapat kong gawin para magba­go ang kapatid ko at ma­tutong kumilos? — Amy

Amy,

Naku, nakai-stress ang ganyang sitwasyon, pero, makabubuting kausapin mo nang maayos at mahinahon ang iyong kapatid at sabi­hin mo sa kanyang gawin niya kung ano ang nakato­kang gawain para sa kanya. Kung hindi ka niya pakiking­gan, makabubuting kausa­pin mo ang mga magulang ninyo tungkol dito para ha­bang bata pa ang iyong ka­patid ay matutunan na ni­yang maging responsable sa mga gawaing-bahay. Hu­wag ka ring magpadala sa inis, sis, dahil walang mai­dudulot na maganda kung magpapadala ka sa mga negatibong emosyong na­dara­ma mo. God bless sa iyo!