FDA, nagbabala hinggil sa pagpapaturok ng glutathione at Vitamin C
WALANG masama kung gumawa tayo ng paraan para magkaroon ng maputi at makinis na balat dahil kani-kanyang trip ‘yan ng kulay, pero mainam na sa bawat paghahangad natin, tayo ay mag-iingat, lalo na ngayong usung-uso ang mga injectable glutathione at Vitamin C na ayon sa Food and Drug Administration (FDA), hindi umano ligtas gamitin dahil mayroon itong delikadong side-effects.
Gayunman, hindi aprubado ng FDA ang naturang produkto dahil wala umanong naitalang lehitimong pagsusuring ginawa rito, maliban na lamang kung gagamitin ito bilang gamot sa cisplatin chemotherapy.
Dagdag pa rito, ang mga pampaputing produkto ay maaaring makasama sa katawan, partikular sa atay at kidney.
Kaya nagbababala ang ahensiya sa publiko na kung gustong magpaputi ay magtungo lamang sa mga tunay na FDA-certified na doktor.
Samantala, kung isa kayo sa mga nakasanayan na ang pagpapaturok nito, mainam na mag-isip muna kayong mabuti dahil nasa huli ang pagsisisi, ‘ika nga, “take at your own risk” dahil hindi nagkulang ang mga kinauukulan na tayo ay paalalahanan.
Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.
Comments