Iniwan ng ka-live-in, helper nagbigti

DEDO ang 22-anyos na helper matapos magbigti ma­karaang makatalo ang ka-live-in nang magpasya ang babae na wakasan ang kani­lang relasyon sa Valenzuela City, kamakalawa ng gabi.

Sa nakarating na ulat kay Valenzuela Police Chief Col. Carlito Gaces, alas-9:00 ng gabi nang matagpuan ng kanyang kapwa helper na si Mark Joshua Tioxon, 23, si Johnbert Antolin, na naka­bigti ng tela sa kanyang ku­warto sa Bgy. Gen. T. de Leon.

Ipinaalam ni Tioxon ang insidente sa live-in-partner ng biktima na si May Nidua.

Dinala si Antolin sa Va­lenzuela Medical Center su­balit, hindi na ito umabot ng buhay.

Ayon sa pulisya, unang nagkaroon ng pagtatalo sa pagitan ng biktima at kan­yang live-in partner nang sa­bihin ng babae na tapos na ang kanilang relasyon.

Inaabangan na ng pulisya ang resulta ng awtopsiya upang matukoy kung may foul play sa pagkamatay ng biktima.