Ultimatum sa Kamara, wa’ epek | HIRIT NI P-DIGONG NA TERM-SHARING, TABLADO

USAP-USAPAN sa Kamara ang umano’y pa­giging matigas ng ulo ni Rep. Lord Allan Velasco. Ayon sa ilang kongresista, kung hin­di lamang matigas ang ulo ni Velasco at sa pagsuway niya sa panukala ni Pangu­long Rodrigo Duterte ay hindi na nagkakainitan ang mga kongresista sa karera para maging House Speaker.

Ito ay matapos tangga­pin ni Taguig Rep. Alan Peter Cayetano ang panukala ni Pangulong Duterte para sa term-sharing agreement sa pa­gitan niya at ni Velasco upang maresolba na ang Speakership issue subalit, tinanggihan umano ito ng con­gressman mula sa Ma­rinduque.

Iginiit ni Velasco na da­pat isang tao lamang ang hahawak sa pinakamataas na puwesto sa House of Repre­sentatives.

Hindi pumayag si Ve­lasco sa panukala kahit na ito ay nagmula kay Presi­dent Duterte, na nagbigay pa ng ultimatum sa cabinet mee­ting noong July 1 kung saan sinabi ng pangulo na tang­ga­pin na ni Velasco ang term-sharing deal kay Ca­yetano o kalimutan na ang pangarap niyang ma­ging Speaker.

Dapat umanong main­tin­dihan ni Velasco na ang power-sharing agreement ay mas makabubuti sa kanya dahil lumalabas na si Velasco ang walang experience at hindi kuwalipikado sa lahat ng nagnanais na maging Speaker.

Kahit na si Velasco ay nagsilbi na ng dalawang ter­mino bilang congressman, lumalabas na naupo siya bi­lang kongresista sa isang ter­mino lamang matapos mai­luklok siya sa huling araw ng session sa Congress noong 2013, dahil napalitan niya si Regina Ongsiako Re­yes sa kanilang laban sa Ma­rinduque noong 2010 polls.