Taumbayan, pinulsuhan sa agawan sa Speakership

WALUMPU’T LI­MANG porsiyento umano ng mga Pilipino ang nagsalita na kung sino ang nais nilang maging lider sa Kamara.

Sa isinagawang survey ng RP-Mission and Deve­lopment Foundation, Inc. (RPM­Dinc), si Leyte Cong. Martin Romualdez ang ka­nilang ‘top choice’ na naka­ku­ha ng thirty percent (30%), sinundan ni Taguig Cong. Alan Peter Cayetano na may 23%, habang si da­ting Speaker Pantaleon Al­varez naman ay nakakuha ng 18% at ang panghuli ay si Marinduque Cong. Lord Al­lan Velasco na may 14%.

Sa nationwide survey, lumitaw na si Ro­mualdez ang no.1 choice sa Visayas (35%), Balance of Luzon (31%) at Mindanao Regions (23%).

Sa National Capital Re­gion (NCR), nanguna naman si Cayetano na may 33%, pumangalawa si Romualdez na may 27%.

Samantalang, sa Balance of Luzon, pu­mangalawa na­man si Cayetano na may 25% at kay Romualdez na may 31%.

Sa Visayas Regions, si Velasco ay na­kakuha ng 19% na pinangungunahan pa rin ni Romualdez na may 35% at si Cayetano na nasa pangalawang puwesto na may 21%.

Sa Mindanao, statisti­cally tied naman si Romual­dez na may 23% kay Alva­rez na nakakuha ng 20%.

Ayon kay Dr. Paul Mar­ti­nez ng RPM­Dinc, ang in­coming members sa House of Representatives ay nasa “turmoil stage” at obligas­yon nilang pulsuhan ang sen­timyento ng kanilang cons­tituents at umaasa na paki­king­gan nila ang boses ng kanilang nasasa­kupan.

Ang non-commissioned survey ay ginanap noong July 26-31, 2019 na may 3,500 registered voters, na­tionwide at may 3% +/- mar­gin of error.