NBA FINALS MVP LEONARD, MANANATILI SA RAPTORS

POSIBLENG manatili pa rin sa champion team ng Toronto Raptors ang finals MVP na si Kawhi Leonard ayon sa huling report ng NBA.

Diyan naman naniniwala ang retiradong NBA player at dating Raptors na si Jalen Anthony Rose.

Bilang isang analyst ng ESPN, sinabi ni Rose na tiyak na may 99 percent na hindi matatanggihan ni Kawhi ang magiging alok ng Raptors bagamat, may ilang negosasyon ang NBA superstar sa ibang koponan habang umiiral ang free agency ngayong linggo.

Idinagdag pa ni Jalen, sa walong taon sa team ni Leonard, gusto nitong kumpletuhin ang sampung taon niya bilang player sa naturang koponan. Maaaring sa pagtatapos niya sa taong 2021 ay qualified na si Kawhi na mapag-agawan sa mas malaking presyo ng suweldo o maximum contract na aabutin ng 35 percent salary cap. “What I’m 99 percent hearing is that Kawhi Leonard will be returning to Toronto and signing a two-year contract,” ani Rose sa programang ESPN Get Up. (MC)