Kaparusahan sa sinumang may-ari ng mga troso na walang legal na dokumento

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

May mga troso ang aking pinsan na ipinatago sa aming bahay. Kinaumagahan, hinuli ang aking asawa ng forest officers kahit sinabi na­ming hindi namin pag-aari ang mga ito at legal ang pagputol nito ayon sa aking pinsan ngunit, wala kaming maipakitang permit para rito. Nais kong malaman kung maaari ba nila itong gawin sa amin? — Ces

Dear Ces,

Para sa inyong kaalaman, ang batas na nakasasaklaw sa inyong katanungan ay ang Presidential Decree 705 o mas kilala sa tawag na “Revised Forestry Code”. Nakasaad sa Section 68 nito na:

“Section 68. Cutting, Gathering and/or Collecting Timber or Other Forest Products Without License. Any person who shall x x x possess timber or other forest products without legal documents as required under existing forest laws and regulations, shall be punished with the penalties imposed under Articles 309 and 310 of the Revised Penal Code: x x x” (Binigyang-diin)

Ayon sa nasabing batas, maparu­rusahan ang sinumang may-ari o pinaniniwalaang may-ari ng mga troso na walang mga legal na dokumento o kaukulang permit. Hindi mahalaga kung ang mga troso ay pinutol ng legal. Kapag ang mga ito ay nahuli sa pagtataglay o possession ng tao na walang kaukulang permit o doku­mento ay nangangahulugang pag-aari niya ang mga ito. Ito rin ay nakasaad sa kaso ni Ma. Mimie Crescencio vs. People of the Philippines (GR No. 205015, November 19, 2014, Ponente: Honorable former Associate Justice Bienvenido L. Reyes)

“The fact of possession by the petitioner of the 24 pieces of magsihagon lumber, as well as her subsequent failure to produce the legal documents as required under existing forest laws and regulations constitute criminal liability for violation of the Forestry Code. x x x

In the second offense, it is immaterial whether the cutting, gathering, collecting and removal of the forest products are legal or not. Mere possession of forest products without the proper documents consummates the crime. Whether or not the lumber comes from a legal source is immaterial because the Forestry Code is special law which considers mere possession of timber or other forest products without the proper documentation as malum prohibitum.” (Binigyang-diin)

Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.