Erap, natalo man sa pagka-mayor, baka maging "mayor" naman sa selda? Hmmm...
EX-MAYOR “ERAP”, BAKA MAGING “MAYOR” SA SELDA — Sa tema nang ibinulgar ni Mayor Isko Moreno na isang buwan bago matapos ang termino ni ex-Mayor Joseph “Erap” Estrada ay lumagda raw ito ng mga kuwestiyunableng commercial contract na worth P2.9 billion, tila nais nitong sampahan ng kasong katiwalian ang dating alkalde.
Naku, kapag nangyari ‘yan, natalo man sa pagka-mayor si “Erap”, baka maging “mayor” naman siya sa selda, boom!
◘◘◘
MGA MANGINGISDANG PINOY, MUNTIK NANG MALUNOD, SINISISI PA NG COAST GUARD?—Ang sabi ni DFA Sec. Teodoro “Teddyboy” Locsin, Jr. base raw sa imbestigasyon, ang mga mangingisdang Pinoy daw ang sinisisi ng Philippine Coast Guard (PCG) sa pagkakabangga ng Chinese vessel sa kanilang bangkang-pangisda sa West Philippine Sea (WPS).
Aba, kung ganyan, dapat palitan na ang pangalan ng Philippine Coast Guard at gawin itong China Coast Guard kasi muntik nang mamatay sa lunod ang 22 mangingisdang Pinoy na iniwan sa laot ng Chinese vessel matapos maganap ang pagbangga sa kanilang bangka tapos sila pa ang sinisisi ng PCG, buwisit!
◘◘◘
PARA KAY SEC. LOCSIN, ANG PAGIGING MAKABAYAN AY MANG-INSULTO NG KAPWA — Matapos makatikim ng batikos sa pagtawag na “boba” kay Vice-Pres. Leni Robredo, sinabi ni Sec. Locsin na never daw siyang titigil sa pagpo-post sa social media dahil “patriotic duty” daw niya ito para matigil na “katangahan” ng kanyang mga kritiko.
Ganu’n? Ang paniniwala pala ni Sec. Locsin sa pagiging makabayan ay mang-insulto ng tao? Pwe!
◘◘◘
PNP, DAPAT MAGING MAINGAT SA DRUG-BUST PARA WALANG MADAMAY AT MAPATAY NA BATA—Malaking sablay ang ginawang drug-bust operation ng Rodriguez police sa Rizal province kasi napatay nila ang drug suspect na si Renato Ulpina, pero napatay din nila nang tamaan ng ligaw na bala ang tatlong taong gulang na anak nito.
Next time, maging maingat sana ang kapulisan sa kanilang mga drug-bust operation para walang madamay at mapatay na bata, period!
Comments