Buking na may GF, sinugod sa classroom, pinagbabaril | GRADE 7 TODAS SA KA-LIVE-IN NA BADING

PATAY ang Grade 7 student matapos pagbaba­rilin ng sinasabing karelasyon nitong bading sa loob mismo ng classroom sa Ca­lamba City, Laguna, kaha­pon ng tanghali.

Una munang idinekla­rang ‘brain dead’ sa ospital bago tuluyang binawian ng buhay ang 15-anyos na bik­tima na si alyas Mark, residente ng Bgy. Pansol at mag-aaral ng Castor Alviar National High School sa Bgy. Masili.

Ayon kay Police Lt. Col. Jacinto Malinao, nangyari ang pamamaril alas-12:30 ng tanghali habang naka-break at nagpapa­hinga sa loob ng classroom ang biktima.

Biglang pumasok sa si­lid-aralan ang suspek na si Renz Ivan Valderama, sekyu sa isang resort, nasa edad 30, at walang sabi-sabing pinagbabaril nang malapi­tan ang biktima sa batok at sa ulo bago tumakas bit­bit ang .38 baril na pinaniniwalaang service fire­arm nito.

Base sa inisyal na pagsisiyasat, nagsasama sa isang tirahan ang suspek at biktima.

Hanggang sa nagkaroon umano ng kasintahang babae ang biktima na sinasabing labis na ikinasama ng loob ng suspek at da­hilan para isagawa ang krimen.

Kaugnay nito, isang malawakang pag­tugis ang ikinasa ng mga awtoridad laban kay Val­derama.