BATANG GILAS VS. AUSTRALIA, PINOY BAKA MAKA-TSAMBA PA

NANATILING walang panalo ang Batang Gilas at ngayon ay wala na sila sa kontensiyon sa 2019 FIBA U-19 Basketball World Cup, dahil hindi rin sila umubra sa world no. 4 Serbia at sumurender sa 60-87 decision, kahapon ng umaga (Philippine time) sa Heraklion Indoor Sports Arena sa Greece.

Inaasahan man sa team pero, kinapos sina Dave Ildefonso at Kai Sotto kung saan ang una ay tumapos ng 18 puntos, 3 rebounds at 2 assists.

Naka-12 puntos si Gerry Abadiano na ibinigay din ang lahat ng makakaya niya sa world meet na may 2 rebounds at 2 assists habang si Carl Tamayo ay may 7 marka at 5 boards.

Lahat ng iyon ay naging pahirapan para sa Batang Gilas pero, mapapalaban pa sa classification round habang ang Serbians ay abanse na sa quarterfinals. Bagamat matatangkad ang tulad nina Sotto at mabilis ang galaw ni Ildefonso, nabigo sila sa higher-ranked Greece, Argentina, Russia at Serbia.

Inaasahan na sa muli nilang pagsabak ay matitibag na nila ang ginintuang oportunidad para mailagay sa best finish ang bansa sa FIBA U-19 Basketball World Cup kung saan nasa 10th-place noong 1979.

Upang matupad ito, kailangan munang talunin ng Batang Gilas ang world no. 10 Autralia sa simula ng classification round ngayong Biyernes (Philippine time).