Parusa sa pagbebenta ng mislabeled toys

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Nagtatrabaho ako sa kumpanya na gumagawa ng mga pambatang laruan, pero ako ay trainee pa lang. Sa totoo lang, nababahala ako dahil napansin kong walang safety labels sa packaging nito. May batas bang nagbabawal nito? — Mario

Dear Mario,

Para sa inyong kaalaman, ang batas na sumasaklaw sa sitwasyon na inyong inilahad ay ang Sections 4 at 10 ng Republic Act No. 10620 na mas kilala bilang “Toy and Game Safety Labeling Act of 2013” kung saan nakasaad ang mga sumusunod:

"Section 4. Labeling Requirements for Toys and Games. – All toys and games locally or internationally manufactured that are imported, donated, distributed and sold in the Philippines shall comply with the appropriate provisions on safety labeling and manufacturer’s markings found in the Philippine National Standards (PNS) for the safety toys: Provided, That this shall not apply to toys and games which are not intended for children including, but not limited to, memorabilia or collectibles: xxx

“Section 10. Penalties. – Any person who shall violate any provisions of this Act shall be subject to a fine of not less than ten thousand pesos (P10,000) but not more than fifty thousand pesos (P50,000) or imprisonment of not less than three (3) months but not more than two (2) years or both, at the discretion of the court.”

Ibig sabihin, lahat ng mga laruan, saanman ang mga ito ginawa na ibinebenta sa Pilipinas ay nararapat na magkaroon ng kaakibat na safety labeling at manufacturer’s markings sang-ayon sa Philippine National Standards (PNS) upang tiyaking ligtas ang mga laruang pambata. Ang paglabag nito ay may kaakibat na parusang fine na hindi bababa sa P10,000 hanggang P50,000 o pagkakakulong ng hindi bababa sa tatlong buwan hanggang dalawang taon o parehong fine at pagkakulong, sang-ayon sa desisyon ng korte.

Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.