Kahit join na sa bakasyon ng pamilya abroad… BF NI MAJA, NAGYAYA NA NG KASAL, BIGLANG BAWI

Anj Cabilla / PAK ANG GANAP!

MUKHANG may susunod na sa engagement ni Angel Locsin at ng producer na si Neil Arce.

Sunud-sunod kasi ang pagpo-post sa social media ng actress na si Maja Salvador sa mga travel photos nila ng kanyang businessman BF na si Rambo Nuñez.

Napag-alaman na nagbakasyon ang magkasintahan kasama ang pa­milya ni Rambo sa Italy at Switzerland nitong June, 2019.

Sa comment section, mababasa na nagpaplano sina Maja at Rambo sa susunod nilang destination.

Ani Rambo, “iammajasalvador Where to next? Work muna,” na sinagot ni Maja ng “@rambonunez alam mo na ‘yun.”

Sa isang post naman ni Rambo, tinutukso na siya ng kanyang mga kaibigan kung kailan na ba siya magpo-propose kay Maja dahil may damit na raw sila.

Sumakay naman si Rambo sa biruan at tina­nong kung pupunta ba ang mga kaibigan.

Umoo naman ang mga kaibigan ni Rambo, pero biglang binawi ito ng BF ng aktres dahil birthday celebration daw niya ang tinutukoy na magaganap ngayong July.