3 yrs. old inabuso ng kamag-anak

ARESTADO ang isang lalaki matapos umano nitong abusuhin ang tatlong taong gu­lang na babae sa Bgy. Lum­bang na Bata, Calaca, Batangas.

Ayon sa pahayag ng ina ng biktimang si alyas Ellain, sinamantala umano ng sus­pek na si Sofronio Malaba­nan, ang pagkakataon kung saan nag-iisa ito sa kanilang bahay.

Tinabihan umano nito ang biktima saka ipinasok ang daliri sa ari ng bata.

Napag-alaman ng ina nito ang insidente nang ma­tukla­san ang pananakit ng ari ng anak.

Positibo namang kinilala ng nakasaksi ang gumawa ng kahalayan kaya humingi ng tulong sa pulisya.

Sa isinagawang follow-up operation, nasakote ang suspek at kinasuhan ng ka­song rape at child abuse sa piskalya.

Sinasabi ring malayong kamag-anak nila ang naares­tong suspek.