Kulong at multa sa lalabag | CELLPHONE HABANG NAGLALAKAD, BAWAL

LUSOT na sa ikatlo at huling pagbasa ng Baguio City Council ang ordinan­sang magbabawal sa pagga­mit ng gadgets at earphones habang naglalakad o tuma­tawid sa lungsod.

Ayon kay Baguio City Councilor Francis Robert Or­tega, layon ng ordinansa na matiyak ang kaligtasan ng mga tao sa pagtawid o pagla­lakad.

Sa ilalim ng ordinansa, sisitahin ang mga residente sa unang paglabag.

Sa ikalawang paglabag, pagmumultahin ang luma­bag ng P1,000 na may kasa­mang community service.

Multang P2,000 at com­munity service o pagka­ka­kulong na hindi bababa sa 10 araw ang parusa sa ikat­long paglabag, habang multang P2,500 at community ser­vice o pagkakakulong na hin­di bababa sa 30 araw naman ang parusa sa ikaapat na pag­labag.

Samantala, pirma na lang ni Mayor Benjamin Maga­long ang hinihintay para ma­ipatupad ang nasabing ordi­nansa. (BRT)