Nakaisip ng libreng sakay para sa mga estudyante sa MRT, LRT at PNR, bigyan ng medal!

BOBI TIGLAO / BANAT

Libre na sa pamasahe ang mga estud­yante sa MRT, LRT at PNR, napa­kagan­dang ideya nito at kung sinuman ang naka­isip nito ay dapat bigyan ng medalya.

Mula ngayong Hulyo, hindi na kailangang magbayad ang mga estudyanteng sasa­kay ng Light Rail Transit (LRT) 2, Metro Rail Transit (MRT) 3 at Philippine National Rail­ways (PNR).

Kailangan lang nilang ipakita ang kani­lang student ID at libreng sakay na.

Kasama sa programa ang mga mag-aaral sa elementarya, high school at ko­lehiyo, gayundin ang mga kumukuha ng vocational o teknikal na mga kurso, pero hindi na kasali ang kumukuha ng Masters o PhD.

Gayunman, may iskedyul para sa lib­reng sakay na ito para sa estudyante. Libreng makasasakay ang mga estudyante sa MRT 3 mula alas-5:00 ng madaling-araw hanggang alas-6:30 ng umaga at mula alas-3:00 ng hapon hanggang alas-4:30 ng hapon.

Samantala, sa LRT 2 naman ay mula alas-4:30 ng madaling-araw hanggang alas-6:00 ng umaga at mula alas-3:00 ng ha­pon hanggang alas-4:30 ng hapon at sa PNR ay mula alas-5:00 ng madaling-araw hang­gang alas-6:00 ng umaga at mula alas-3:00 ng hapon hanggang alas-4:00 ng ha­pon.

Isa pa, mula Lunes hanggang Biyernes ito, pero hindi kasama ang mga holiday.

Tinatayang malaki ang “lugi” ng LRT 2, MRT 3 at PNR kapag naisakatuparan ang planong ito, ang estima ng tinatawag na “foregone revenue” ay P130 milyon.

Pero, ‘easy’ lang ang pagkalugi na ito dahil mas malaki ang magiging “tubo” o “return on investment” na mapupunta sa ating bayan.

Sa pamamagitan ng programang ito, matutulungan o mahihikayat ng gobyerno ang mahihirap na estudyante na pumasok nang maaga para makapag-aral nang mabuti at matututo ang mga bata na ma­ging organisado at sumunod sa isked­yul.

Gayundin, hindi na kailangang mag­ba­yad ng mga estudyante na bibiyahe sa mga terminal fee sa mga airport at seaport na pag-aari ng Civil Aviation Authority of the Philippines (CAAP) at Philippine Ports Authority (PPA).

“Layon nitong hikayatin ang pag­pasok nang maaga ng mga estudyante at baguhin ang commuter culture bilang parte ng mandato ng administrasyon sa maginhawang buhay para sa mga pa­sa­hero,” paliwanag ni Transportation Secretary Arthur Tugade.

Sinabi niyang ang pinakamagandang “tubo” ay kapag nakitang masaya at kun­tento ang taumbayan sa serbisyong ibi­nibigay ng gobyerno.

Sana ay simulan na rin ng ibang ahen­siya ng gobyerno ang ganitong kaisipan.

Hindi dapat nakikigaya ang mga go­vernment-owned corporation sa mga kumpanyang nasa pribadong sektor na puro “tubo” lang ang hinahabol.

Marami pa sigurong dapat ‘gawing libre’ na public utilities na hindi naman malaking gastos sa gobyerno.