Away sa lupa, 2 todas

DALAWA ang na­sawi habang isa ang sugatan ma­tapos ang insidente ng pa­mamaril dahil umano sa away sa lupa sa Caloocan City, Sabado ng umaga.

Dead-on-the-spot sanhi ng mga tama ng bala sa ka­tawan sina Jelvis John Ca­sipe, 26, at Renne Forma­cion, 67, kapwa ng Bgy. 171, Bagumbong ha­bang gina­gamot sa Tala Hospital si Marthy Casi­pe, 36.

Kinilala naman ni Ca­loocan City Police P/Col. Noel Flores ang mga na­arestong suspek na sina Mark Joseph Bernadette, 35; Alexander Bernadette, 60, at Jerry Barrios, 48, ha­bang nakatakas naman ang iba pang kasabwat ng mga ito.

Alas-11:45 ng umaga nang maganap ang pama­maril ng mga suspek sa mga bik­tima sa kahabaan ng Villa Teresita, Alisasis St.

Alas-10:00 kamaka­lawa ng gabi, isang saksi ang lu­mapit sa mga tau­han ng Ca­loocan Police Community Pre­cinct 6 at sinabing nasak­sihan niya ang insidente at alam din niya kung nasaan ang iba pang mga suspek.

Agad nagkasa ng fol­low-up operation ang mga tauhan ng PCP-6 sa pa­ngu­nguna ni P/Maj. Ha­rold Melgar na nagresulta sa pagkakaaresto kina Da­­nilo Molato, 59; Edi­­son Solibaga, 56, at Teresita Acuin, 53, na positibong kini­lala ng saksi bilang ka­sama ng unang nadakip na mga suspek.

Ani P/Col. Flores, away umano sa lupa ang dahilan ng insidente ha­bang patuloy ang kani­lang follow-up ope­ration sa posibleng pagkaki­lan­lan at pagkakaaresto sa iba pang mga suspek.