Plataporma at kuwalipikasyon bilang Speaker, ilatag na lang para magkaalaman

KA AMBO / BISTADO

‘MAHABA ang ilong’ ni Rep. Lord Allan Velasco

Nasanay na kasi siya sa pagsisinungaling!

◘◘◘

INIYABANG niya na inendorso siya ng PDP-Laban, Partylist Coalition at Nationalist People’s Coalition.

Pero, hindi pala ito totoo!

◘◘◘

AGARANG itinanggi ito nina PDP-Laban Sec-Gen Pantaleon Alvarez, NPC President Vicente “Tito” Sotto III at lider ng Partylist Coalition na si Rep. Mike Defensor.

Kung ganu’n, paano pa mapagkakatiwalaan bilang Speaker si Rep. Velasco?

◘◘◘

KAHIT ang term-sharing na inaprubahan ni Pangulong Rodrigo Duterte ay sinabi niyang walang katotohanan.

Pero, mismong si P-Digong ang nag­kumpirmang mayroon ganitong kasunduan, pero umatras si Rep. Velasco!

◘◘◘

Mukhang binabangga nang harap-harapan ni Rep. Velasco ang pangulo sa usapin ng Speakership race.

Aba, hindi pa nananalong Speaker, parang gusto na niyang palabasin na sinungaling ang pangulo?

◘◘◘

Paano kung maging Speaker na siya?

Ibig bang sabihin, babanggain niya ang legis­lative agenda ng administrasyong ito?

◘◘◘

Ngayong ang lakas ng loob niyang ipahiya ang pangulo, paano pa kung siya na ang maging lider ng Kamara?

Sino ang ipinagmamalaki ni Rep. Velasco?

◘◘◘

DAPAT ay ilatag ni Rep. Velasco ang kanyang plataporma o kuwalipikasyon bilang Speaker.

Mahalagang ipakita niya na kaya niyang rendahan ang buong Kamara.

Mapasunod kaya niya ang mga may bahid nang kongresista o pagtawanan lamang siya nito?

Ang resulta, madidiskaril ang agenda ng Palasy0!