Para sa mga nababahala sa kanilang kalusugan, read n‘yo ‘to! 7 PAGBABAGO SA MUKHA NA MAAARING SINTOM

MARAMI sa atin ang sob­rang conscious pagdating sa mukha o hitsura. ‘Yung tipong maya’t maya ay tumitingin tayo sa salamin para makita ang ating sarili kung may dumi o pagbabago rito. Well, hindi lang kagandahan ang nakikita sa mukha ng sinuman dahil sa pa­mamagitan ng simpleng pagti­ngin sa mukha ay maaari na rin nating mala­man ang lagay ng ating kalusugan. Narito ang ilang mga pag­babago sa appea­rance ng muk­­ha na maa­aring sintomas na ng iba‘t ibang sakit:

1. DRY, FLAKY SKIN OR LIPS. Sa pag-aaral ni Roshini Raj, MD, ang panunuyo o matigas na balat sa mukha at labi ang pinaka-common na sign ng dehydration. Gayundin, maaari itong mauwi sa mas malalang kondisyon tulad ng problema sa sweat gland tulad ng hypothyroidism o kakulangan sa level ng thyroid hor­mones. Ang iba pang sintomas ng hypo­thyroidism ay panlalamig ng katawan, weight gain at sobrang kapaguran.

2. EXCESS FACIAL HAIR. Ito ay nakikita sa jawline, baba at ibabang ba­hagi ng labi, partikular sa kababaihan. Ang unwanted hair na ito ay maaaring sinto­mas ng polycystic ovary syndrome, ito ay hormone imbalance kung saan ang male hormone level ay masyadong ma­taas o ang pasyente ay may kakulangan sa estrogen.

3. DISCOLORED COMPLE­XION. Anumang pagbabago sa kulay natin ay hindi dapat ipinagsasawalambahala. Sa pag-aaral ni Mallika Marshall, MD, ang pagiging maputla ay sign ng anemia, sa­mantalang, ang pagkakaroon ng ‘yellow tone’ ay maaaring indikasyon ng sakit sa atay o liver disease habang ang ‘bluish tint’ sa mga labi at kuko ay maaaring sanhi ng sakit sa puso o sakit sa baga.

4. EYEBAGS AND PUFFINESS. Para sa ilan, ang mala-panda na mga mata o eyebags ay sanhi lamang ng ka­kulangan sa tulog. Ayon kay Dr. Raj, ang “tired-looking eyes” ay maaaring sanhi ng chronic allergies kung saan lumalawak ang mga daluyan ng dugo o blood vessels na sanhi ng pag-leak nito na dahilan kaya nagkakaroon ng “maitim” at namamagang eyebags ang indibidwal.

5. FACIAL ASYMMETRY. Ang tila hindi pantay na mukha ang isa sa mga sign ng stroke. Ayon kay Leana Wen, MD, kailangang ban­tayan ang sintomas na ito, lalo na kapag na­wawalan na ng paki­ramdam ang kabilang parte ng muk­ha ng pas­yente tulad ng ka­hirapan nito sa pag­ngiti. Hindi ito dapat ipagsawa­lambahala, lalo na ka­pag unti-unti na ring nahihirapan sa pagsa­salita ang indibidwal.

6. NEW MOLES. Karamihan sa atin ay walang pakialam sa anumang nunal sa katawan, pero para safe, kailangan natin itong mai­pakonsulta sa dermatologist, lalo na kapag ito ay kakaiba o bagong tubo lamang sa ating balat. Ayon sa research, ang mga tumutubong nunal sa balat natin ay maaaring senyales ng skin can­cer, internal disease o genetic syn­drome.

7. HAIR LOSS. Ang unti-unting pagkawala o pagkalagas ng pilikmata, gayundin ng kilay ay posibleng sinto­mas ng alopecia areata. Ito ay autoim­mune disorder at ang pinakatinatamaan nito ay ang hair follicles ng indibidwal. Ayon sa mga eksperto, bagama’t, may­roong mga treatment para rito, wala pa umanong lunas sa sakit na ito.

Walang masama kung conscious tayo sa ating sarili dahil responsibilidad nating mapanatili itong maayos, ma­lusog at presentable. Gayunman, ma­kabubuti pa rin na ugaliin nating mag­pakonsulta sa doktor para mas sure tayo, mga beshy! Copy?