Sakay sa MRT 3, LRT 2 at PNR | ESTUDYANTE, LIBRE!

MALILIBRE na sa pa­sahe ang mga estudyante sa MRT 3, LRT 2 at Philip­pine National Railways (PNR) mula Lunes hanggang Bi­yernes, maliban kung holi­day.

Ayon sa Department of Transportation (DOTr), hin­di sisingilin ang mga mag-aaral sa piling oras ng bi­­yahe ng nasabing mga train system.

Walang bayad ang pa­sahe ng mga estudyante sa MRT 3 simula alas-5:00 ng madaling-araw hanggang alas-6:30 ng umaga at alas-3:00 ng hapon hanggang alas-4:30 ng hapon.

Sa PNR naman, libre ang mga estudyante sa pasahe mula alas-5:00 ng madaling-araw hanggang alas-6:00 ng umaga at mula alas-3:00 ng hapon hanggang alas-4:00 ng hapon.

Sa LRT-2, hindi sisingi­lin ng pasahe ang mga mag-aaral mula alas-4:30 ng ma­daling-araw hanggang alas-6:00 ng umaga at mula alas-3:00 ng hapon hanggang alas-4:30 ng hapon.

Epektibo ang libreng sa­kay sa Hulyo 1.

Libre na rin ang terminal fee para sa mga estudyante sa mga paliparang pag-aari at pinangangasiwaan ng Civil Aviation Authority of the Philippines (CAAP) simula sa Agosto 1, gayundin sa mga pantalang pag-aari at pina­tatakbo ng Philippine Ports Authority (PPA) simula Hulyo 16.