Ipinamigay sa mga empleyado, iligal | COA SA GSIS: P260-M INCENTIVES, ISOLI

IPINASOSOLI ng Com­mission on Audit sa Government Service Insu­rance System (GSIS) ang mahigit sa P260 milyong halaga na umano’y iligal na insentibo sa 90 porsiyento ng halos tatlong libong em­pleyado nito noong 2018.

Batay sa 2018 audit re­port, tinukoy ng COA ang GSIS Galing Pagkilala In­centive na nagpamahagi ng P100,000 sa 2,615 emple­yado nito nang walang pag-apruba mula sa Office of the President at Department of Budget and Management (DBM).

Ayon sa COA, maitutu­ring itong paglabag sa Sec­tions 5 at 6 ng Presidential Decree No. 1597, Section 9 ng Join Resolution No. 4 series of 2009 at Section 12 ng Republic Act No. 6758 o ang Salary Standardization Law.

“These resulted in both illegal expenditure and er­roneous computation of in­centives which are not al­lowed in audit,” ayon sa COA. Ipinunto pa ng COA na layon ng insentibo na hi­ka­yatin ang mga empleyado na maging malikhain, epis­yente sa trabaho, may integridad at produktibo sa serbisyo-publiko.

Kakailanganin umano ng GSIS na maibalik ang pon­dong ibinayad sa insentibo kung mabibigo ang ahensiya na makakuha ng rekomen­dasyon at pag-apruba mula sa DBM at sa pangulo.