Imported products, lagyan ng English o Filipino label — DTI

INIUTOS ng De­part­ment of Trade and Industry (DTI) sa mga negosyante na lagyan ng English o Filipino translation ang label ng mga dayuhang produkto sa mer­kado, partikular sa super­market.

Nagbabala ang DTI na papatawan ng parusa ang hindi susunod sa naturang kautusan ng P1,000 hang­gang P300,000 multa ha­bang sa ikatlong paglabag na­man ay maaaring ipasara ang establisimyento dahil sa paglabag.

Nilinaw ng DTI na dati nang may utos ang Food and Drug Administration (FDA) na dapat may pagsasalin sa English o Filipino sa pakete ng mga imported na pro­duk­to upang maintindihan ng mga consumer.

Inaatasan din ang mga negosyante ng mga restoran at department store na mag­karoon ng kaparehong pag­sa­salin sa label ng produkto.

Kabilang sa naturang kautusan ng DTI para sa lahat ng signage, billboard, advertisement, label, price tag, menu, resibo at marke­ting materials ng negosyong dayuhan ang produkto o serbisyo.

Iginiit ni DTI Under­sec­retary Ruth Castelo na hindi aniya patas sa mga consumer kung hindi maiintindihan ang nasa label ng mga produkto o serbisyo.

Matatandaan, na sinita ng DTI ang ilang Chinese res­taurant sa Las Piñas City dahil walang English transla­tion ang kanilang signage at menu. Saklaw ng FDA ang mga imported na pagkain at ga­mot habang ang mga estab­lisimyento o restoran na­man ang hawak ng DTI.