HPG official, huli sa aktong nangongotong

TIMBOG sa entrap­ment operation ng PNP-Integrity Monitoring and En­forcement Group (IMEG) ang isang opisyal ng Highway Patrol Group (HPG) sa loob mismo ng general headquar­ters sa Camp Crame dahil sa reklamo ng pangongotong.

Ayon kay PNP-IMEG Director Police Colonel Ro­meo Caramat, Jr., kinilala ang suspek na si Police Major Raul Salle, deputy chief ng Opera­tions Management Division ng HPG sa Camp Crame.

Mag-aalas-12:00 ng ha­tinggabi ng Miyerkules nang mahuli sa aktong tu­matang­gap ng P400,000 marked money ang suspek.

Una nang nakatanggap ng ulat ang IMEG na sang­kot sa robbery extortion sa isang biktima ang opisyal at kapalit nito ay masusing pag-iimbestiga sa idinulog nitong kaso sa HPG.

Nananatili sa kustodiya ng IMEG ang naarestong opisyal at mahaharap sa ka­song administratibo at rob­bery extortion.