PLM-College of Medicine, ililipat sa OSMA

PLANONG ilipat ang Pamantasan ng Lungsod ng Maynila (PLM) College of Medicine campus na nasa Intramuros sa Ospital ng Maynila (OSMA) para ma­palapit ang mga estudyante sa health facilities ng siyu­dad.

Ito ang inihirit ni Manila Mayor-elect Francisco ‘Isko’ Moreno sa isinaga­wang kon­sultasyon sa student council officials sa PLM, kamaka­lawa.

Aniya, una na niyang isi­nulong ang P150 milyong alokasyon para sa improve­ment ng OSMA at P450 milyon para sa city-run hos­pital.

Nangako naman ang PLM student council offi­cials na nakahanda silang makiisa at tumulong sa mga plano ng alkalde.

Ipinabatid din ng student council ang masikip na labo­ratories at libraries, cafete­rias at kawalan umano ng transparency kung paano ginugugol ang development funds.

Samantala, tiniyak na­man na magpapatupad ng mga reporma sa 100 unang araw sa panunungkulan.