Bagong uwi, dudang may lover | OFW NA MISIS KINATAY NI MISTER

DAHIL sa tindi ng galit sanhi ng sobrang selos, na­gawang pagsasaksakin ni mister ang kanyang misis na isang overseas Filipino wor­ker (OFW) sa Lebak, Sultan Kudarat.

Namatay habang isinu­sugod sa pagamutan ang 39-anyos na biktima na si Daisy Villar, domestic worker sa Uni­ted Arab Emirates (UAE) sanhi ng mga tama ng saksak sa iba’t ibang ba­hagi ng kanyang katawan.

Sumuko naman ang suspek na si Anjo Villar, da­lawang oras matapos maga­nap ang insidente.

Ayon sa report ng Sultan Kudarat Provincial Police Office, nangyari ang karu­mal-dumal na krimen sa bahay ng mag-asawang Villar sa Bgy. Poblacion Uno, pa­sado alas-4:00 ng hapon nitong Lunes.

Batay sa ulat na nag­karoon umano ng matinding pagtatalo sa pagitan ng mag-asawa bago nangyari ang pananaksak.

Naririnig pa umano ng ilang mga kapitbahay ang si­gawan at komosyon sa loob ng bahay ng mag-asawa kaya agad silang tumawag sa pulisya.

Gayunman, nadatnan ng mga awtoridad na duguan na ang biktima at nakahan­dusay ito malapit sa kanilang sala kung saan sinubukan pang dalhin sa ospital para isalba ang kanyang buhay.

Lumalabas sa imbes­ti­gasyon na naghihinala ang suspek na may lalaki ang biktima sa UAE.

Napag-alaman na nitong Sabado, Hunyo 22, du­mating sa Pilipinas si Daisy mula UAE.