ANTETOKOUNMPO, NBA MVP 2019 ISA SA SAMPUNG PINAKABATA SA LIGA

BATA pa si Giannis Antetokounmpo at 24-anyos lamang. Ang Milwaukee Bucks forward ay naging ika-10 youngest Most Valuable Player sa kasaysayan ng NBA nang lumabas ang resulta sa ikatlong taunang NBA Awards Show noong Lunes sa Santa Monica, California.

Tinuldukan ni Antetokounmpo ang paghahari ni Houston Rockets guard James Harden at marami ang naniniwala na ito ang una niyang multiple MVP honors sa kanyang career. Sina Harden at Oklahoma City Thunder forward Paul George ang iba pang finalists. Singkuwenta porsiyento ng boto para sa NBA awards ay mula sa panel ng 100 media members.

Ang Bucks star ang pinakabatang recipient mula nang si Derrick Rose ang maging pinakabatang winner sa edad na 22 noong 2011. Ang iba pa sa listahan ng 10 youngest MVPs sa kasaysayan, base sa edad sa pagtatapos ng regular season, ayon sa Hall of Fame ledger ay sina Derrick Rose (2011): 22 years, 191 days; Wes Unseld (1969): 23 years, 9 days; Bob Pettit (1956): 23 years, 92 days; Bob McAdoo (1975): 23 years, 193 days; Wilt Chamberlain (1960): 23 years, 201 days; Lew Alcindor (1971): 24 years, 14 days; Moses Malone (1979): 24 years, 16 days; Bill Russell (1958): 24 years, 28 days; LeBron James (2009): 24 years, 104 days; Giannis Antetokounmpo (2019): 24 years, 125 days. (MC)