Pagsunog sa mga lumang bandila
Dear Chief Acosta,
Magandang araw! Napakaraming lumang bandila ng ating bansa sa aming tahanan na marahil ay iniuwi ng mga kapatid ko. Nais kong malaman kung maaari ko bang itapon na lamang basta ang mga ito? Nababahala kasi akong baka mayroon akong malabag na batas sa balak kong gawin? — Aliyah
Dear Aliyah,
Para sa inyong kaalaman, nakasaad sa Section 14 ng Republic Act No. 8491 o mas kilala bilang “Flag and Heraldic Code of the Philippines,” na:
“SECTION 14. A flag worn out through wear and tear shall not be thrown away. It shall be solemnly burned to avoid misuse or desecration. The flag shall be replaced immediately when it begins to show signs of wear and tear.” (Binigyang-diin)
Ibig sabihin, hindi ninyo maaaring basta na lamang itapon ang inyong mga lumang bandila. Sang-ayon sa batas na nabanggit sa itaas, kinakailangang sunugin ninyo ang mga ito, upang maiwasan ang mali at nakabababang paggamit nito.
Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Comments