Pedicab driver huli sa aktong nagsa-shabu

TIMBOG ang pedicab driver matapos mahuli sa aktong nagsa-shabu sa aban­donadong palikuran sa Na­vo­tas City, kahapon ng umaga.

Kinilala ni Navotas Ma­ritime Police Station P/Capt. Ferdinand Hermoso ang suspek na si Marlon Olazo, 30, ng Dagat-Dagatan St., Tabing Ilog, NBBS.

Ani Navotas Maritime Police Investigator PSSg. Es­meraldo Absuela, Jr., alas-10:40 ng umaga, nagpapat­rulya sa NFPC compound ang mga security guard na sina Mark Anthony Acuesa, 34, at Niko Milante, 29, nang makaamoy umano ang mga ito ng nasusunog na alumi­num foil.

Nang puntahan ang pi­nanggalingan ng amoy, na­aktuhan ng dalawang sekyu ang suspek sa isang abando­nadong palikuran sa Banera St. na sumisinghot ng shabu.

Nakumpiska sa suspek ang nakabukas na sachet at ilang drug paraphernalias.