Aktres, pinagluto at pinaghugas ng pinggan... KATHRYN AT ALDEN, SINABIHAN NI DIREK NA 'DI PUWEDE

Ador Saluta / ADORE ME!

PARA mas epektibo ang kani-kani­lang roles, dumaan sa iba’t ibang immersion process ang mga bida ng Hello, Love, Goodbye na sina Kathryn Bernardo at Alden Richards.

Sa panayam kay Director Cathy Garcia-Molina, aniya’y it was her first time to employ such a procedure.

Kuwento ng box office director, “Definitely, ang pinaka-experience kong bago talaga, kasi first time kong ginawa sa artista ko ‘yung ipinasa­buhay ko sa kanya ‘yung totoong role niya, for Kathryn and for Alden.

“Especially for Kathryn, dahil D.H. siya, medyo inalila talaga namin siya sa Hong Kong,” natatawa niyang kuwento.

“Before leaving pa, kina­usap ko na sila na they will not be treated special. Sila ay ituturing naming katulad na­ming mga manggagawa and they agreed.

“I’m very happy that they are very professional enough to accept the conditions na meron ako, pero alam naman nilang lahat na para sa kanila ‘yun.

“So, ganu’n ‘yung experience na wala kaming bine-baby sa set. In fact, pinagsisil­bihan kami ni Kathryn kasi siya ang nagluluto, siya ang naghu­hugas ng pinggan.

“Panibagong experience sa kanya, but I think it helped her a lot para ma­­gam­panan ‘yung role nang ma­ayos. At panoorin n’yo po si Kath­ryn sa pelikulang ito.”

Para naman kay Alden, hindi muna nagkuwento si Direk Cathy how the GMA-7 actor did an immersion for his role.

Aminado rin si Direk Cathy that filming in Hong Kong was a bit challenging, but they learned a lot from their experience.

“Masayang mahirap. Kahit ano namang pelikula, lagi nating sinasabi, pinaghihirapan, mahirap, because it is.

“But itong Hong Kong, aside from the hirap, maraming magagandang... just like other films, ibang experience, ibang adventure.

“It’s different working with Hong Kong nationals, Hong Kong crew, iba rin experience ng parang strangers kayong lahat sa lugar na ‘yun.”

In fact, it’s her first time as a filmmaker to finish a film months before the playdate.

Pahayag ni Direk Cathy, “Matagal na, first time sa buong buhay ko na paggawa ng pelikula na nata­pos ako more than a month.

“In fact, almost two months before the showing to give way to proper post-production time.”

Nasa Bangkok, Thailand ngayon si Direk Cathy para sa post-production ng HLG.