Paghahanda laban sa banta ng krisis sa tubig para sa mga susunod na henerasyon, gawin na ngayon!

RYAN B. SISON / BOSES

DAHIL dumaranas ng krisis sa tubig ang karamihan sa atin ngayon, sinabi ni Senator Grace Poe na dapat nang magkaroon ng pag-aaral para matiyak ang pangmatagalang suplay ng malinis na tubig sa buong bansa, par­tikular sa Metro Manila.

Ito ay para na rin makaiwas tayo sa mga sakit na may kinalaman sa tubig tu­lad ng cholera, diarrhea at amoebia­sis kung saan dapat talagang ma­ka­hanap ng pagkukuhanan ng malinis na tubig nang walang masamang epekto sa kalikasan.

Gayunman, paniguradong kaka­ilanganin ng malaking halaga ng pera para magawa ito, subalit, nakasalalay na rin umano rito ang kapakanan ng mga susunod na henerasyon, kaya ti­yak na may mapupuntahan ang pon­dong gagamitin.

Sa totoo lang, magiging posible ang ganitong paraan, lalo na kung tayo ay makikipagtulungan kung saan matu­tuto tayong magtipid ng tubig at mag­linis ng paligid.

Samantala, paalala sa publiko, kung sakaling may magrarasyon ng tubig sa inyong lugar, siguraduhing malinis ito at huwag makipag-away, lalo na kung nagkaubusan dahil walang proble­mang hindi kayang solusyunan basta tayo ay marunong makisama sa ating mga ka­pitbahay.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.