Pabrika ng posporo nasunog, 30 nalitson

SUMIKLAB ang sunog sa bahay na ginagamit na pabrika ng posporo na ikinasawi ng 30 katao sa North Sumatra, Indonesia.

Ayon kay Irwan Syahri ng local disaster mitigation agency ng Langkat District, kabilang sa mga nasawi ang tatlong menor-de-edad habang hindi makilala ang karamihan dahil nasunog ang mga ito.

Ayon sa mga awtoridad, sinabi ng asawa ng isa sa mga nasawi, puro babae ang nagtatrabaho sa pabrika kung saan ilan sa kanila ay nagdadala ng kanilang mga anak.

Samantala, ayon kay M.P. Nainggolan, tagapagsalita ng North Sumatra Police, hindi pa malinaw ang sanhi ng sunog.