P-Digong, hate ang drugs pero, mga tulak nagkalat sa paligid ng Malacañang, ngek!

PABLO L. HERNANDEZ III / PRANGKAHAN

AFP NA DAPAT TAGAPAG­TANG­GOL NG BANSA AT NG MGA PI­NOY, PRO-CHINA NA RIN? — Ang misyon ng Armed For­ces of the Philippines (AFP) ay “Protect the people, secure the sovereignty of the state and the integrity of the natio­nal territory.”

Kaya lang, tila wala nang silbi ang mandato nilang ito kasi sa kabila ng insidente ng pagbangga at pagpa­palubog ng Chinese militia vessel sa bangkang-pangisda ng mga Pinoy sa karagatang sakop ng Pilipinas ay porke ‘pro-China’ si P-Duterte, tila sa mga Chinese pa kumikiling ang AFP nang sabihin ni Defense Sec. Delfin Lorenzana na aksidente lang daw ang naganap na “banggaan” sa West Philippine Sea (WPS), buwisit!

◘◘◘

DINOBLENG SUWELDO NG MGA SUNDALO, IBALIK SA DATI — Kung magpapaka-pro-China na rin ang AFP at wala na itong pla­nong ipagtanggol ang mga Pinoy at teri­toryo ng bansa laban sa China, aba, dapat ang dinobleng suweldo ng mga sundalo ay ibalik sa dati.

Kasi hindi naman pera ni P-Du­terte at lalong hindi pera ng China ang ipinansusuweldo sa mga sun­dalo kundi pera ng sambayanang Pi­lipino, period!

◘◘◘

MAHIRAP SA MGA PINOY NA MABAWI ANG MGA TERITORYO SA WPS KASI MISMONG PA­NGULO NG PILIPINAS ANG KA­KAMPI NG CHINA — Kahit nanalo na sa kaso at may desisyon na ang Permanent Court of Arbitration (PCA) ng United Nations (UN) na pag-aari ng Pilipinas ang WPS, na­pakahirap pa rin para sa mga Pili­pino na mabawi mga teritoryo ng Pilipinas na sinakop na ng China.

Ang dahilan, tila lumalabas na mismong pangulo ng Pilipinas ang kakampi ng China, hu-hu-hu!

◘◘◘

BENTAHAN NG SHABU SA COMPOUND NG MALACAÑANG, BUKING! — Siyam na drug pus­hers ang inaresto ng NBI nang ma­huli sa aktong nagbebenta ng shabu sa loob mismo ng Malacañang Com­plex.

Ano ang sabi ni P-Duterte, hate raw niya ang illegal drugs?

Buwisit!