Nilamon ng panggiling ng karne | LALAKI NAGING LONGGANISA

TODAS ang 18-anyos na lalaki ma­karaang lamunin ng makinang pang­giling ng karne ang kalahati ng kan­yang katawan sa Iloilo City.

Kinilala ang biktima na si Jomar Julbo, trabahante sa pagawaan ng chorizo sa Bgy. Mansaya-Lapus.

Batay sa inisyal na im­bestigasyon, aksidenteng na­ipasok ni Julbo ang kanyang kanang kamay sa makina at hindi na niya nahila ito.

Dahil sa lakas ng puwersa ng makina, tuluyang na­hatak ang katawan ni Julbo hang­gang sa lamunin ang kalahati ng kanyang katawan bago tumigil ang makina.

Nadiskubre na lamang ng kanyang mga ka­sa­mahan ang disgrasyang inabot ng binatilyo at agad na nagpa­saklolo upang maialis ang natitirang bahagi ng katawan nito.

Patuloy nang sinisiyasat ng pulisya ang insidente at inaalam kung mayroong da­pat managot sa pangyayari.