Diplomatic passports sa mga dating DFA secretaries, ambassadors kinansela

KINANSELA na ng pa­mahalaan ang lahat na inis­yung diplomatic pass­ports ng mga dating kalihim ng Department of Foreign Af­fairs (DFA) maging ang mga da­ting ambassador matapos ang nangyari kay dating DFA Secretary Albert del Ro­sario nang harangin at hin­di payagang makapasok sa Hong Kong.

“The DFA Office of Con­sular Affairs (OCA) will be issuing an order shortly, can­celling all courtesy diplomatic passports,” ayon sa DFA.

Ito ay makaraang sabihin ng Malacañang na hindi ginamit nang tama ni Del Ro­sario ang diplomatic pass­port sa pagtungo niya sa HK.

Ayon sa ahensiya, nag-iisyu na sila ng diplomatic passport mula pa noong 1993 sa mga dating DFA secretary at ambassador.

Aminado rin sila na inis­yuhan nito si Del Rosario noong Disyembre 20, 2016 na inaprubahan ni dating Secretary Perfecto Yasay, Jr. at may bisa hanggang Dis­yembre 19, 2021.

Nitong Hunyo 18, na-re­validate ang pasaporte ni Del Rosario ng DFA Office of the Consular Affairs- Diplo­matic and Official Passport Section para sa ‘business trip’ sa HK.

Gayunman, diin ng DFA na ang pag-iisyu ng diplo­matic passport ay upang big­yan lamang sila ng karani­wang prebilehiyo sa ‘immig­ra­tion points’ sa ibang bansa.

Ani Del Rosario, ito ang unang pagkakataon na hindi siya pinayagang makapasok sa HK makaraang pamunu­an niya at ni dating Ombuds­man Conchita Carpio-Mora­les ang pagsasampa ng kaso laban kay Chinese President Xi Jingping sa International Criminal Court.