Habang kini-cremate ang aktor… PAMILYA AT MGA KAIBIGAN NI EDDIE, NAGTAYUAN SABAY SIGAW NG 'BRAV

Ador Saluta / ADORE ME!

BUONG industriya ng showbiz ay nagluluksa sa pagpanaw ng beteranong aktor na si Eddie Garcia nitong Huwebes ng hapon (June 20), sa edad na 90.

Nakalagak sa Heritage Park ang kanyang ashes dahil ‘yun umano ang kanyang bilin noong siya’y nabubuhay pa, na i-cremate ang kanyang labi kapag siya’y namatay.

Nasunod nga ang kanyang hiling at sa pamamagitan ng Facebook post, ibinahagi ng stepson ni Eddie na si Congressman Michael Romero na naibigay na sa nai­wang pamilya ng aktor ang mga abo nito.

Si Michael ay anak ng long-time partner ni Eddie na si Lilibeth Romero.

Ayon sa kongresista, nagsimula ang cremation sa labi ni Eddie bandang ala-una nang madaling-araw nu’ng Biyernes (June 21). Sinaksihan ito ng kanyang immediate family at ilang malalapit na kaibigan.

Nagbigay din ng eulogy ang ilang kaibigan ni Eddie gaya nina Bibeth Orteza, Tirso Cruz III at Phillip Salvador.

Pagbabahagi pa ni Congressman Romero sa kanyang Face­book post:

“At 3:20 AM, Tito Eddie’s ashes was given to us. (Me, his surviving son Erwin, our mother Lilibeth, Brother Nikki and Pareng Ipe).

“At 1 AM, in front of around 40 immediate family and friends of the Garcia, Lagman and Romero gathered around Tito Eddie’s mortal body, his cremation process started.

“Thank you also to Tito Ed’s closest friends, Tita Bibeth Orteza, Tirso Cruz III, Ipe Sal­vador, his Exec. Assistant Joe and others who gave their eulogy to the unparalleled 17 times FAMAS awardee (6x Best Supporting Actor and Hall of Famer, 5x Best Actor and Hall of Famer and 5x Best Director and Hall of Famer), the legend that might not be equalled again, MR. Eduardo V. Garcia.

“As he entered the cremation room, we all gave Tito Ed a standing ovation he deserved and started shouting ‘BRAVO’ for the last time. We love you!!!”

Sa ilang piling interviews ni Eddie Garcia noong nabubuhay pa siya, nabanggit niya ang kagustuhang ma-cremate agad kapag siya ay pumanaw na.

“‘Pag namatay ako, gusto ko, tahimik lang. From death bed, diretso sa crematory, tapos isasaboy na ‘yung abo ko sa dagat,” sabi ni Eddie sa panayam ng PEP sa gala premiere ng pelikula niyang Bwakaw nu’ng taong 2012.

Pahayag pa ng beteranong aktor, “Ayoko ‘yung naka­higa ako, tapos tinitingnan ka nila, ayoko ng ganu’n, na parang exhibit.

“Kaya from death bed, crematory na, piprituhin ka kaagad!”

Sa panayam naman sa kanya ni Ces Drilon sa ANC program na Pipol noong 2013 ay sinabi ni Eddie na binayaran na niya ang kanyang cremation.

Lahad niya, “I already paid for my cremation. Binayaran ko na.

“My helicopter pilot friend will pick-up the ashes from the crematory and spread sa Manila Bay.”

Bakit gusto niya ng ganu’n?

“Para ‘pag namasyal ka sa Roxas Boulevard, ‘Baka multuhin tayo ni Eddie rito!’ Ha! Ha! Ha! Ha! Ha!

“And I want it spread on a beautiful sunset,” katwiran ng magaling na aktor.