BEST PINOY TEAM RIDER SA LE TOUR ANG GO-FOR-GOLD

SA pinagsamang kaba­taan, stamina at bilis, ang Go For Gold Philippines Continental Cycling Team ang pinalad sa hanay ng Filipino cycling squads sa nagdaang 10th Le Tour de Filipinas.

Binubuo nina Jonel Car­cueva at Daniel Ven Carino ang matikas at matibay na unit kasama sina Ismael Grospe at Jericho Lucero sa Go-for-Gold ay itinanghal na best Filipino team sa five-day UCI (Union Cycliste Internationale) 2.2 category race. “As a young team with young Pinoy riders, I believe this validates the faith we have given our developmental team and shows the enormous improvement they have made against other powerhouse Filipino teams,’’ ayon kay Go For Gold godfather Jeremy Go.

Ang parangal ay kasu­nod ng impresibo nilang performance sa team sa mga nakaraang karera sa bansa tulad ng Ronda Pilipinas at PRURide PH—kung saan sina Grospe at Carino ang naging best young riders. “Of course, we would have preferred to get a better placing, especially in the best young rider category, which we had successfully won in our two previous UCI races,’’ ayon kay Go, vice president for marketing ng Powerball Marketing & Logistics Corporation. Ang best young rider award ay laan para sa best-performing cyclist na wala pang 23-anyos. Agad nakontrol ng GFG Pinoy riders ang Stage 1 race sa Tagaytay City sa kabila nang wala si team captain Elmer Navarro dahil sa curfew.

Ang solidong teamwork sa sumunod na stages ay nang makalusot sa strategy ang quarter na sina Lucero, Grospe, Carino at Carcueva na inihanda ni GFG project director at head coach Ednalyn Hualda.

Pinalarga rin sila ni Hual­da sa second stage na tuma­hak sa Pagbilao, Quezon to Daet, Camarines Norte hang­gang sa final three laps sa Legazpi City, Albay at Sor­sogon.

Sa pagtatapos, nanaig ang Go For Gold riders sa Philippine National Team sa 2 minuto at sa 7 Eleven Cliqq-Air21 ng Road Bike Philippines sa 31 minuto at 26 segundo upang maging best Pinoy squad sa karera na may UCI ranking points para sa 2020 Tokyo Olympics. (ATD)