Movie, 'di matuloy dahil sa Diamond Star… MARTIN, KUMANTANG HINDI KAWALAN SI MARICEL

Julie Bonifacio / WINNER!

MAY movie pala ang Regal Films na pagsasamahin sana sina Martin Nie­vera at Diamond Star Maricel Soriano, pero tila naudlot ang proyekto.

“Hindi natuloy, eh,” lahad ni Martin nu’ng makausap namin sa premiere night ng Feelennial sa Cinema 4 ng SM Megamall nu’ng Lunes.

Tingin ni Martin, kaya ‘di natuloy ay dahil busy na si Marya sa serye ng Kapamilya Network na The General’s Daughter. Pero baka raw ituloy pa rin kapag natapos na ang serye kung saan isa si Marya sa cast.

Hindi naman daw nanghinayang si Martin na ‘di natuloy ang movie nila ni Marya.

“I mean, understand that she’s very busy. Ako rin, busy din ako. But I was so flattered na… maganda ang role. Love interest ko si Marya, oh. At may bedroom scene pa. Kasi, dumaan kami ng bedroom, ‘yun lang,” ani Mar­tin na ewan kung joke lang.

Nagustuhan daw niya ang role bilang ma­yaman, gu­wa­po at ma­tan­dang balikbayan na love interest ni Mar­­ya sa mo­vie.