Holdaper tepok sa shootout

ANGELES CITY—Isang hindi kilalang holdaper ang napatay nang makipagbarilan sa pulisya, kamakalawa sa Bgy. Pampang sa lungsod na ito.

Sa kasalukuyan ay inaalam pa ng mga awtoridad ang pagkakakilanlan sa napatay na suspek.

Nabatid na isang ginang ang nag-report sa pulisya na siya ay hinoldap at nang rumesponde ay biglang pinagbabaril ng holdaper ang mga awtoridad.

Dahil dito, agad gumanti ng putok ang pulisya na naging dahilan kaya napatay ang suspek.