PRINGLE, IPINAGPALIT SA TATLONG PLAYERS NG GINS

NASA Barangay Ginebra na si Stanley Pringle. Ito ay matapos magkaroon ng trade noong Martes kung saan inilipat ng NorthPort si Pringle sa Barangay Ginebra kapalit sina Sol Mercado, Kevin Ferrer, at Jervy Cruz.

Ang nasabing trade ay naaprubahan ng PBA Commissioner’s Office noong araw ding ‘yun. Kahapon ay sumama na sa ensayo ng Gin Kings si Pringle at dito ay sinabi niya na handa na siyang maglaro para sa kanyang bagong koponan sa Linggo kaharap ang NLEX.

“My first thoughts were just with my teammates, NorthPort. They have a game today. I was actually ready to play the game. My thoughts are with them and how they are going to deal with the trade and everything,” saad ni Pringle.

Ayon kay Pringle, ang kanyang pokus ngayon sa Barangay Ginebra ay matutunan ang sistema ni Barangay Ginebra coach Tim Cone.

“Right now, I’m just focused on learning the offense and learning the spots and just trying to learn and soaking it in as fast as I can so that I can do anything to help the team win. That’s the main goal, it’s to learn right now. Everybody is helping me so I appreciate that,” wika ni Pringle. Dagdag pa ni Pringle, hanggang ngayon ay nagulat pa rin siya sa nangyaring trade sa kanya. “I’m here but it hasn’t hit me yet. It will probably hit me when I started to play a game or something,” wika ni Pringle.

Si Pringle, ang top pick overall noong 2014 Draft ay may average na 19.5 puntos, 6.5 rebounds, 4.7 assists at 2.6 steals sa nakaraang Philippine Cup. Sa pagtatapos ng huling conference, sumailalim si Pringle sa operasyon sa kanang bukung-bukong. Nakapaglaro siya ng 2 games para sa NorthPort sa eliminations conference ngayon.

Sina Ferrer at Cruz ay muli na namang magkakasama sa laro sa NorthPort ni coach Pido Jarencio na siya ring dating humawak sa kanila sa UAAP noong UAAP college days nila sa UST.