Pa-miting de-abanse sa Kamara, kaliwa't kanan, ayaw paawat!

KA AMBO / BISTADO

KAPANA-PANABIK talaga ang girian sa Kamara.

Kani-kanyang pa-miting de-abanse!

◘◘◘

KINUKULIT si P-Di­gong na mag-endorso.

Pero, nanatili si­yang nasa neutral corner!

◘◘◘

SA isang araw, nag­karoon ng magkahiwa­lay na meeting ang dalawang grupo ng mga kongresista.

Talagang ayaw pa­awat at wala pang lumulutang na clear winner!

◘◘◘

ISANG meeting ang idinaos sa Clark, Pam­panga na dinaluhan ng mga gabinete at kon­gre­sista.

Ayon kay Rep. Alan Peter Cayetano, ito ang unang pulong ng mga gabinete at kongresista bago ang pagbubukas ng ika-18 Kongreso.

Kumbaga, panghi­magas sa Kamara!

◘◘◘

TINALAKAY dito ang mga programa ng gobyerno at plano ng mga kongresista.

Malinaw na pre­pa­­rasyon ito sa nala­la­bing termino ni P-Digong!

◘◘◘

DUMALO sa pulong sina Finance Secretary Carlos “Sonny” Domin­guez III, Transportation Sec. Arthur Tugade at Public Works Sec. Mark Villar.

Sila ang “tungkong kalan” ng Build, Build, Build Program!

◘◘◘

ANG “tungkong ka­lan” ay ang tatlong ma­la­king bato na ginagamit sa probinsiya kung saan ipapatong ang palayok, kaldero o kawali kapag magluluto.

Sa ilalim, ilalagay ang panggatong na kahoy na magliliyab at magpapainit sa palayok!

◘◘◘

Hindi makaluluto ng tsibug kapag walang “tatlong bato” na nag­sisilbing kalan o lutuan sa mga lalawigan.

Ang tatlong “tung­kong bato” ang sina­unang sistema ng pag­lu­luto sa kasaysayan!

◘◘◘

NILINAW ni Rep. Cayetano na mahalaga ang naturang forum upang makagawa ng batas kung saan maha­lagang kumonsulta sa tatlong gabinete.

Pinag-usapan dito ang pagba-budget, pi­nansiyal at mga pro­yektong pang-impras­­truktura at trans­por­tasyon!

◘◘◘

BINANSAGANG “Vision Into Reality” forum ang pulong na nagsilbing host sina Camarines Sur Rep. Luis Raymund “LRay” Villafuerte, Deputy Speaker Raneo Abu ng Nacionalista Party (NP); San Juan Rep. Ronnie Zamora, Cavite Rep. Bambol Tolentino at Mandaluyong Rep. Boyet Gonzales.

Dumalo rin sina La­guna Rep. Dan Fernandez ng PDP-Laban; Antipolo Rep. Robbie Puno, Dasma­riñas City Rep. Elpi­dio “Pidi” Barzaga, Jr. at Masbate Rep. Narciso “Bong” Bra­vo, Jr. ng National Unity Party (NUP)!

◘◘◘

HABANG nanga­ngampanya ng boto ang ilang kongresista para sa kanilang ‘manok’, aktuwal nang nagtatra­baho ang mga duma­lo sa forum sa Clark.

Beterano sa gobyer­no at may sapat na karanasan ang mga dumalo sa Clark.

‘Yan ang tunay na makatutulong kay P-Digong!

◘◘◘

MAHALAGANG mamulat ang mga kon­gresista sa kanilang responsibilidad at obli­gasyon.

Mananatiling kaga­lang-galang ang Ka­ma­ra at iwasan ang maruming politika na bababoy sa insti­tus­yon pangdemo­kras­ya!