BATANG PIER, NAKA-OT WIN VS. ELASTO PAINTERS

GUMAPANG ang NorthPort Batang Pier sa 4th period upang hablutin ang 107-105 overtime panalo kagabi laban sa Rain or Shine E-Painters sa PBA Commissioner’s Cup sa Mall of Asia Arena sa Pasay City.

Naging matatag sa OT ang Batang Pier upang sikwatin ang pang-anim na panalo sa pitong laro habang nalasap ng Elasto Painters ang pangatlong talo sa limang salang. Maagang ipinaramdam ng Elasto Painters ang kanilang lakas matapos hawakan ang nine-point lead, 49-40 sa halftime. Lalong ibinaon ng RoS ang Batang Pier sa third quarter, hinarurot nila ang 35-23 para umalagwa sa 84-63 ang lamang papasok ng fourth canto. Subalit hindi nawalan ng diskarte ang Batang Pier, kinarga nila ang 37-16 bentahe para makahirit ng extra period.

Samantala, sasabak ang Gilas Pilipinas sa 2019 FIBA World Cup nang wala ang isa sa kanilang inaasahang stars. Atras si Jayson Castro mula sa kanyang national team duties dahil na rin sa personal na prayoridad, ayon iyan kay PHL team head coach Yeng Guiao sa oras ng kanilang praktis noong Lunes.

“He was asking for understanding for his situation because he has issues that are personal in nature,” dagdag pa ni Guiao tungkol kay Castro. “I told him, ‘Okay, I know you have served the country for a long time.’ and if it is because of his family, I don’t think anybody can blame him.”

Tumanggi naman si Guiao na sabihin pa ang ibang rason kung bakit out muna si Castro. “I think he is the only person who can answer that. I don’t want to be the one to answer regarding his personal issues,” saad ni Guiao. (ATD)