LIFESAVERS, NILUNOD ANG MARINERA SA PSL

BINAWIAN ng Generika-Ayala ang Marinerang Pilipina sa bisa ng 25-18, 25-15, 25-23 na panalo sa Philippine Superliga (PSL) All-Filipino Conference kahapon sa FilOil Flying V Centre sa San Juan. Matapos na daigin ng F2 Logistics, 25-12, 25- 21, 25-17, sa opener noong Sabado, nambawi ang Lifesavers para sa win column at ibinigay sa Lady Skippers ang ikalawang diretsong pagkatalo sa 1 oras at 3 minuto na laro.

Nahirapan man si Patty Orendain sa opener, siya ang bumanat sa all-around performance para sa Generika-Ayala sa 18 points at 15 attacks, dalawang aces at blocks, 16 digs at 8 excellent receptions. Sina Ria Meneses at Fiola Ceballos ay may tig-11 points habang si Angeli Araneta ay may 8 para sa Lifesavers, na humugot ng impresibong performance mula kina setter Jamie Lavitoria at Kath Arado.

“This win is a huge help for us, especially the morale of the team, as the league just started,” ani Generika-Ayala head coach Sherwin Meneses, na naka-unang panalo sa prestihiyosong women’s club tourney. “I’m glad that we managed to recover from our first game loss, it was an ugly defeat for us. I hope that we could sustain this good morale for our next matches.”Madaling naangkin ng Lifesavers ang unang two sets at bumanat ng 23-16 sa third set mula sa atake ni Mean Mendrez pero humabol sina Lady Skippers Dimdim Pacres at Chiara Permentilla sa 7-1 para sa dikit na iskor pero nag-error si Mendrez.

Si Pacres ang nag-iisang double digits scorer na 11 points habang si Permentilla ay may 7 para sa Lady Skippers, na dumanas ng ikalawang three-set defeat kasunod ng opening-day loss sa Sta. Lucia. (MC/VA)

Laro Bukas: (Imus Sports Center)

4:15 pm — Marinerang Pilipina vs Petron 7:00 pm — Foton vs Generika-Ayala