Para ‘di nag-oober da bakod sa private sector | DAGDAG-SUWELDO SA GOBYERNO

INIHIHIRIT na madagdagan pa ang sahod ng mga guro at iba pang kawani ng gobyerno.

Ayon kay Senator-elect Christopher ‘Bong’ Go, dapat lamang alagaan ang mga government worker upang hindi lumipat sa pribadong sektor na nag-aalok ng mas mataas na suweldo.

Aminado ito na mababa ang suweldo ng mga government worker kumpara sa mga empleyado ng mga mauunlad na bansa.

Aniya, ang mababang sahod ang isa sa dahilan kaya may ilang empleyado ang nagnenegosyo ng mga kakanin o pahulugan sa kanilang pinapasukang tanggapan para madagdagan ang kanilang kinikita.

Samantala, tuloy din umano ang pagbalangkas ng mga batas para sa OFWs, senior citizens, pangkalusugan at pabahay.