P-Digong, imbes na magalit sa ginawa ng Chinese sa mga Pinoy sa WPS, baka CHR pa ang banatan?

PABLO L. HERNANDEZ III / PRANGKAHAN

LABAN-BAWI NG DND AT AFP SA CHINA — Noong Independence Day (June 12), binatikos ni Defense Sec. Delfin Lorenzana ang China dahil sa pagbangga at pagpapalubog nito sa bangkang-pangisda na kinalulula­nan ng 22 Pinoy sa West Philippine Sea (WPS) at sa galit din ng AFP-Wes­tern Command (WesCom), sinabi ni­tong dapat nang paalisin ang lahat ng Chi­nese sa WPS.

Ito na ang siste, kinabukasan nang ipag-utos ni P-Duterte sa Department of Budget and Management (DBM) na i-release na ang P54 bilyon pensi­yon ng mga taga-AFP ay nag-iba ang kani­lang tono, ayon kay Sec. Loren­zana, hindi raw sigurado kung Chi­nese militia vessel talaga ang nakabangga sa bangka ng mga Pinoy at sinabi naman ng AFP-WesCom na posibleng aksi­dente lang daw ang nangyari.

Hay naku, nang dahil sa P54 bil­yon pensiyon, ang dating palabang state­ment sa China, binawi agad, buwisit!

◘◘◘

IMBES NA CHINA, BAKA CHR ANG BATIKUSIN NI P-DUTERTE? — Nakiisa na rin ang Commission on Human Rights (CHR) sa pambabati­kos sa ginawa ng China sa mga mangi­ngis­dang Pinoy sa WPS.

Dahil d’yan, baka ang inaabangan ng publiko na statement ni P-Duterte sa isyung ito ay magkaroon na ng ka­tuparan kaya lang, baka hindi Chi­na ang kanyang batikusin kundi ang ki­naiinisan niyang CHR, boom!

◘◘◘

P-DUTERTE, MAY ‘SUICIDE INSTINCT’— Noong Sept. 2018, sinabi ni P-Duterte na kapag naulit daw ang trahedyang tulad ng “Yolan­da” ay magbibigti raw siya at kama­kalawa ay sinabi ulit ng pangulo na nais niyang magbigti dahil sa rami raw ng problema ng bansa.

Ang taong madalas magbantang magbibigti, malamang ay may ‘sui­cide instinct’ kaya dapat palaging ban­­tayan ng kanyang pamilya si P-Du­terte kasi baka totohanin niya ang bantang pagbibigti, period!

◘◘◘

NGAYONG PANAHON KAYA NI MA­YOR ISKO, MATOTOKHANG NA SI “CA­ROL BAKULAW”? — Nga­yong July 1, 2019, pormal nang mau­upo sa pu­westo ang mga nanalo ni­tong nakalipas na halalan at kabilang d’yan si Manila Mayor Isko Moreno.

Kaya ang tanong, ngayong pana­hon kaya ni Mayor Isko Moreno ma-“tokhang” na ang nangongo­tong sa mga vendor sa C.M. Recto Ave­nue na si “Carol Bakulaw”? Abangan!